Şirkət haqqında

“AzRe Təkrarsığorta” ASC Azərbaycan sığorta bazarında birbaşa təkrarsığorta fəaliyyəti ilə məşğul olan yeganə şirkətdir.  Şirkət, adi əmlak risklərindən kompleks sənaye risklərinə qədər bütün riskləri təkrarsığorta edir. Bizim məqsədimiz, böyük və kompleks risklər də daxil olmaqla, müxtəlif növ risklərin idarə ounmasında yerli sığorta şirkətlərinə dəstək olmaqdır. 

“AzRe Təkrarsığorta” açıq səhmdar cəmiyyəti Azərbaycan Respublikası Maliyyə Nazirliyi tərəfindən Sığorta (müstəsna olaraq təkrar sığorta) fəaliyyəti həyata keçirmək üçün verilmiş 000800 saylı Lisenziya əsasında fəaliyyət göstərir.

  • Oktyabr, 2007 - "AzRe Təkrarsığorta" ASC Azərbaycan Respublikası Ədliyyə Nazirliyi tərəfindən qeydiyyatdan keçmişdir.
  • Noyabr, 2007 - "AzRe Təkrarsığorta" ASC Azərbaycan Respublikası Maliyyə Nazirliyi tərəfindən təkrarsığorta fəaliyyəti aparmaq üçün lisenziya alır.
  • May, 2008 - “Qala Həyat” Sığorta Şirkətini təsis edərək əsas səhmdarı olmuşdur.
  • “Sığorta fəaliyyəti haqqında” Azərbaycan Respublikasının Qanununa müvafiq olaraq, əvvəllər verilmiş lisenziyanın müddətinin başa çatması ilə əlaqədar “AzRe Təkrarsığorta” açıq səhmdar cəmiyyətinə Azərbaycan Respublikasının Maliyyə Nazirliyi tərəfindən 2012-ci il 07 noyabr tarixdə təkrarsığorta fəaliyyətinə müddətsiz lisenziya verilmişdir.
  • Oktyabrın 2014 -  AM Best Rating Agentliyi “AzRe”nin beynəlxalq reytinqini açıqlayıb. Şirkətin maliyyə sabitliyi “B+”, kredit reytinqi isə “BBB-” səviyyəsində təsdiqlənib.
  • Dekabr, 2014 – Şirkət “Azər Türk Bank” ASC-nin səhmlərini alaraq Bankın səhmdarı olmuşdur
  • Sentyabr, 2015 – AzRe “Çartis Azərbaycan” Sığorta Şirkətinin (AIG) səhmlərinin 100%-ni almış, daha sonra şirkətin adı “Qala Sığorta” ASC -ə dəyişdirilmişdir.
  • Sentyabr, 2016 – Şirkətin Nizamnamə kapitalı 10 milyon manat artırılaraq 50 milyon manata çatdırılmışdır
AzRe təkrarsığorta strategiyası üçün Qala Həyat və Qala Sığorta şirkətləri kimi əlavə iki sütuna malikdir.
Yüksək maliyyə stabilliyinə və peşəkar kadrlara malik AzRe Təkrarsığorta Sığorta şirkətlərinə təkrarsığorta həllini təklif edir. Biz öz sedentlərimizlə və təkrarsığorta vasitəçiləri ilə yaxından işləyərək onların strateji və cari ehtiyyaclarını öyrənirik və bu biliklə onların spesifik ehtiyyaclarını ödəyəcək “riskin ötürülməsi” məhsulunu hazırlayırıq.
Biz sedentlərimizə, yeni sığorta məhsulları üzrə kifayət qədər ehtiyyatların yaradılması müddətinədək risklərin ötürülməsi imkanı yaradırıq və bununla da onlarda yeni risklərin sığortası zamanı əlavə əminlik yaradırıq. Biz müştərilərimizə münasibətdə uzunmüddətli əməkdaşlığa üstünlük veririk və bunun üçün bütün  lazımlı  tədbirləri görürük.

Eyni zamanda, bizim komanda sedentlərimizin ehtiyaclarını təmin edəcək sürətli, peşəkar və effektiv şəkildə sığorta hadisələrinin tənzimlənməsini həyata keçirir.
 
Gələcəyə baxış - Məqsədimiz yerli və regional sığorta şirkətlərinin əsas təkrarsığorta partnyoru olmaqdır.
 
Missiya - Biz, müşətilərimizə yüksək səviyyəli müştəri xidməti və səhmdarlarımıza qənaətbəxş gəlir çatdırmağa çalışırıq.