AzRe

AzRe REINSURANCE

AzRe Təkrarsığorta ASC Azərbaycanda yerləşən və təkrarsığorta fəaliyəti üçün Azərbaycan Respublikası
Mərkəzi Bankından lisenziya almış təkrarsığorta şirkətidir. AzRe Təkrarsığorta şirkətinə A.M. Best reyting
agentliyi tərəfindən BBB- kredit reytinqi və B+ maliyyə stabilliyi reytinqi verilmişdir.


Ölkədə yeganə ixtisaslaşmış təkrarsığorta şirkəti olaraq AzRe Azərbaycan sığorta bazarında güclü biznes
profili formalaşdırmış və təkrarsığorta haqlarının həcmi baxımından Azərbaycanın ən iri təkrarsığorta
şirkətinə çevrilmişdir. Etibarlı strateji təkrarsığorta tərəfdaşı olaraq AzRe yerli sığorta sektorunun
stabilliyi və dayanıqlığının təmin olunmasında mühüm rol oynayır.


Həmçinin, Mərkəzi və Şərqi Avropa, Müstəqil Dövlətlər Birliyi, Yaxın və Orta Şərq, Afrika, Latın Amerikası,
həmçinin, Çin və Koreya bazarlarını əhatə etməklə AzRe dünyanın 50-dən çox ölkəsində fəaliyyətini
genişləndirərək qlobal bazarlarda öz mövqesini möhkəmləndirməkdədir.


Bizim törəmə müəssisəmiz Qala Həyat sığorta şirkəti uzun və qısa müddətli həyat sığortası, həmçinin,
icbari fərdi qəza sığortası portfeli formalaşdırlmaqla Azərbaycanın ən iri həyat sığorta şirkəti
sıralarındadır.


Biz daxili anderraytinq komandamız vasitəsilə öz müştərilərimizi əmlak, mühəndislik, gəmiçilik və enerji,
məsuliyyət, nəqliyyat vasitələri, həmçinin, fərdi qəza və həyat sığortası məhsulları üzrə həm mütənasib,
həm də qeyri mütənasib qaydada fakultativ və oblqator təkrarsığorta həlləri ilə təmin edirik.


Eyni zamanda, qlobal bazarlarda mövqemizi gücləndirmək məqsədilə biz müxtəlif İdarəedici Agentlərlə
strateji tərəfdaşlıqlar formalaşdırırıq.